Ape Gue Bilang...(Humor)

Suatu pagi...

Mpok Hindun    : “Bang..aye minta duit nih buat beli beras ame ayam buat bikin ketupat ame opor  

ayam”.

Bang Ucup          : “Lo kate gue bank, dikit-dikit minta duit..dikit-dikit minta duit. Gaji ama THR kan

udah gue serahin sama lo semuenye”.

Mpok Hindun    : “Ye...abang, gimane sih...gaji abang kan abis buat potongan utang kite trus THR

juga sisanya buat ngasih orang tua kite ame beli baju anak-anak ‘ntu juga belum buat makan hari-

hari kite, aye mau bikin ketupat sama opor ayam tuh duit udah ludes semua. Ya aye minta duit ma laki sendiri dong masa aye minta ame laki orang”.

Bang Ucup          : “Makanye ‘Ndun, jadi bini tuh kudu bise ngatur duit, udah tau laki lu gaji ama THR

nye cuman secomot, eh..lo pake buat beli macem-macem segala”.

Mpok Hindun    : “Terserah abang deh mau kate ape, aye mah jadi bini abang salah mulu...kagak

ngasih mertua salah...ngasih mertua salah. Beli baju anak-anak setahun sekali aje jadi salah, tapi

bener ye abang udah kagak punya duit lagi, ini bulan puase lho bang kalau sampe abang bo’ong

tanggung ‘ndiri akibatnye dan tahun ini aye kagak mau bikin ketupat ame opor ayam”.

Mpok Hindun tersinggung ame perkataan lakinye, karena Bang Ucup hari ini masih masuk kerja dan

sudah agak kesiangan diapun tidak sempat lagi ngeladenin ocehan bininya.

Saat menjelang sore....

Bang Ucup          : “Ndun..lo ambil duit gue yang Rp 500.000 ye...”

Mpok Hindun    : “Maksud abang, duit abang? Katanye kagak punya duit, nah ‘ntu yang ilang duit

abang, gimana sih...”.

Bang Ucup          : “Iye, ‘Ndun...’ntu duit abang...kan laki-laki kudu punya duit laki-laki. Abang simpen

tuh duit kalo-kalo abang ada keperluan, udah lo ngaku aje deh “Ndun kalo yang

ambil ‘ntu duit, abang kagak bakal marah kok”.

Mpok Hindun    : “Eh, denger ye bang...aye emang butuh duit buat beli keperluan makan kite tapi

bukan berarti aye kagak punya duit terus ambil duit abang, emangnye aye maling”.

Dengan wajah sewot dan kesel mpok Hindun mengelak kalo die yang ambii ‘ntu uang bang Ucup. Mpok Hindun sebenarnya tau kalo lakinye ‘ntu punya duit tapi die tau diri dan kagak mau nuduh kalo duit itu punyanya bang Ucup, kali aje tuh duit emang bukan punya lakinye.

Bang Ucup          : “Iye, ‘Ndun.....gue tau lo banget...kagak bakalan lo maen ambil duit yang ada

Di kantong gue tapi duit gue bener-bener ilang ‘Ndun”.

Mpok Hindun    : ‘Nah, ape ‘Ndun bilang bang...ini kan bulan puase, abang tadi pagi udah bo’ongin ‘Ndun kalo abang kagak punya duit padahal abang tau ‘ndiri duit yang ‘Ndun minte kan buat beli keperluan kite juga terutama buat makan anak-anak kite tapi abang bilang kagak punya duit, boleh-boleh aje ada duit yang istilahnye “duit laki-laki’ tapi kite kan masih banyak keperluan yang perlu abang penuhi. Kalo udah ilang kayak gini mesti minta ame siape lagi ‘Ndun”...

Bang Ucup          : “Maafin abang ya ‘Ndun...abang kira ‘Ndun bo’ong kalo duit yang abang kasih udah abis...ini deh abang kasih sisa duit abang buat beli keperluan kite...”.

Mpok Hindun    : “Bener nih bang...abang Ucup ikhlas?”

Bang Ucup          : “Iye, ‘Ndun...abang ikhlas dari pade tuh duit ilang lagi kan lebih baik abang kasihin ama “Ndun istri abang yang manis”.

Mpok Hindun pun tersenyum penuh dengan kegembiraan, hari ini die dapet tambahan duit buat lebaran duit Rp 500.000,- yang die dapet nemu dari saku celana lakinye ame duit tambahan dari lakinye sebesar Rp 1.000.000,-.

Mpok Hindun pun bergumam...”Alhamdulillah, rizki mah kagak bakalan kemane-mane...ape gue bilang bang, jangan suka macem-macem ma bini”.

Dan senyum manis pun tersungging dibibir bang Ucup, hari lebaran tahun ini jadi juga die makan ketupat ame opor ayam bikinan istrinye tercinte, mpok Hindun.